Valldal Idrettslag – vi kan – vi VIL
vi kan – vi VIL

Klubbhuset

Det er starta med oppussing av salen på klubbhuset. Det skal leggast lydplater i taket, veggar skal målast og det skal leggast nytt golv. Også lys skal fornyast.

Dette gjer at det ikkje vil vere muleg å leige eller bruke klubbhuset i oktober og november. Kjøkken og møterom er tilgjengeleg.

Arbeidet skal gjerast på dugnad og vi håper dei som får spørsmål om å hjelpe til har høve til å vere med. Og – hugs tidspunktet for avtalt oppmøte!

Vellykka skisamling på Ulsheim i Stryn

I alt 40 små og store hadde ei super treningshelg på Ulsheim 22.-24. september. Mykje kjekke aktivitetar med vekt på leik og moro. I tillegg er det kjekt å vere i lag på tur.

Gjærå TiJo sitt bilete.

Utstyr – ski/vinter

Det vert handlekveld hos Sport 1 Tomra på Vestnes onsdag 8. november. Det vil vere muleg å bestille klubbdressar også i år, overtrekksdress/vest (Bjørn Dæhli) og konkurransedress (Trimtex) Ta kontakt med Jan Ole Fuglem i skigruppa snarast og innan 1. oktober

NB! Det er pr 1. november framleis muleg å bestille utstyr. Ta omgåande kontakt med Jan Ole Fuglem

Trening i skigruppa

Skigruppa har i haust følgjande trenningstilbod

  • Tysdagar, kl 18.00   barmark på klubbhuset  frå 1. klasse og oppover
  • Onsdag  kl 19.00   basistrening Martin Linge huset   frå 4. klasse og oppover   Passar for alle!!
  • Torsdag kl 18.00  skiskyting Myklebust  frå 1. klasse og oppover

Norddalstafetten

Norddalstafetten vart arrangert på Valldal stadion med heile 17 deltakande lag torsdag 31. august.
Her er resultata. Norddalstafetten-Resultat 2017

Midtnorsk mesterskap – langrenn i Valldal 3.-4. februar 2018

Valldal IL inviterar til Midtnorsk mesterskap i langrenn 2018 for klassene 13-16 år. Det er klassisk stil laurdag 3. februar og fristil søndag 4. februar. Sjå invitasjon her:  MNM2018_VIL_Invitasjon

Tine Fotballskule

Tine Fotballskule vart gjennomført på Valldal stadion 11.-13. august med omlag 60 deltakarar i aldersgruppa 6-12 år. Stor innsats av spelarar og takk til dyktige instruktørar, kjøkkenpersonale og andre hjelparar.

Torkjell Døving sitt bilete.

 

Fjelltrimmen 2017

No er postane til fjelltrimmen 2017 på veg ut. Registreringskort kan kjøpast på Spar Valldal. Sjå elles vedlagte informasjon  Trimpostar 2017

Ressursgruppa

Ressursgruppa med sine ivrige støttespelarar har starta opp att sesongen med arbeid på stadion og klubbhus ein gong i veka. Det vert gjort mange små og store oppgåver for idrettslaget og Valldal IL er svært takknemleg for det som vert utført. I tillegg å gjere ein god jobb, er dette også ein triveleg møteplass for ein god prat og ein- eller to –  koppar kaffi. Har du lyst å vere med, møt opp torsdagar kl 18.00 ved klubbhuset. Har du spørsmål, ta kontakt med Reidar Bjørstad

Her kan du sjå rapporten frå gruppa over kva som vart gjort i 2016   ressursgruppa-2016

 

Medlemskap

Valldal IL brukar Norges Idrettsforbund sitt system for medlemsregistrering gjennom «Min Idrett» frå 2016. Vi bed difor om at medlemmar og alle som ønskjer å verte medlemmar i laget å bruke dette. Les informasjon om medlemskap mm Medlemsregistrering 2016   Link til sida Min idrett    Altnernativt kan følgjande skjema  medlemsregistering fyllast ut og sendast til Valldal Idrettslag eller returnerast på post@valldalil.no